ہیلتھ کلچر

ہانتا وائرس کیا ہے ؟

31 March 2020
مصنف کا نام : سید شہباز عالم
کریڈٹ: صدف اقبال
مناظر: 2696

کرونا وائرس کی دہشت سے پوری دنیا سہم ہی نہیں گئی ہے بلکہ تھم گئی ہے ۔ ایسے نازک وقت میں اگر کرونا سے زیادہ خطرناک وائرس کی دستک سنائی دے تو کیا ہوگا ؟ جی ہاں ہم ہانتا وائرس کی بات کر رہے ہیں ۔ چین میں کئی اموات کا سبب ہانتا وائرس کومانا جا رہا ہے ۔ اور اس وائرس کی وجہ سے پوری دنیا کے سائنس داں سکتے کی کیفیت میں ہیں

ہانتا وائرس کیا ہے ؟

مصنف کا نام: سید شہباز عالم
کریڈٹ: 0

ہانتا وائرس کیا ہے ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ابھی حال میں دستیاب ہانتا وائرس کو دیکھ کر دنیا کے تمام ملکوں میں سراسیمگی پھیل گئی ہے ۔ اس وائرس کو کرونا سے زیادہ خطرناک مانا جا رہا ہے ۔ اور کہا یہ جا رہا ہے کہ کرونا کے ساتھ اگر ہانتا وائرس نے بھی دنیا میں اپنے پیر پھیلا لئے تو دنیا کی پچاس فیصد آبادی ہلاک ہو سکتی ہے ۔

یہ وائرس وائرسوں کے ایک بڑے خاندان جیسا ہے اور یہ چوہوں میں پہلے پھیلتا ہے اور پھر چوہوں سے انسانوں میں تیزی سے پھیلتا ہے ۔ اس وائرس سے دنیا بھر میں مختلف اقسام کی بیماریوں کی پیدائش ہوتی ہے ۔ سائنسداں اسے پلیگ کی نئی اور خطرناک شکل بھی مان رہے ہیں ہیں ۔
کسی بھی انسان کو اگر ہانتا وائرس کاا نفیکشن ہوتا ہے تو دنیا کے تمام سائنس داں اس بات پہ متفق ہیں کہ اس انسان کے زندہ رہنے کی امید بیحد کم ہے ۔ سب سے حیرت انگیز بات یہ ہے کہ اس وائرس کے پھیلنے کی شروعات بھی چین میں ہی ہوئی ہے اب سوال یہ ہے کہ کیا یہ محض اتفاق ہے یا ایک سوچی سمجھی سازش ۔

ہانتا وائرس پلمونری سنڈروم (ایچ پی ایس) کا سبب بن سکتا ہے۔ دیگر ہانتا وائرس ، جنھیں "اولڈ ورلڈ" ہانتا وائرس کہا جاتا ہے ، زیادہ تر یورپ اور ایشیاء میں پائے جاتے ہیں اور یہ گردوں کے سنڈروم سے لے کر دماغی بخارتک کا سبب بن سکتے ہیں۔

ہانتا وائرس بات کرنے ، جھینکنے ، کھانسنے ، ہاتھ ملانے ، بوسہ لینے ، جوٹھا کھانے کے علاوہ پیشاب اور پائخانے سے بھی پھیلتا ہے ۔ اگر کسی مریض نے واش روم استعمال کیا ہے اور اس واش روم کی صحیع بریقے سے صفائی کئے بغیر صحت مند آدمی استعمال کر لے تو اسکے ایکفیکٹڈ ہونے کے امکانات زیادہ ہیں ۔

گردوں کے سنڈروم کے ساتھ دماغی بخار کیا ہے؟

گردوں کے سنڈروم کے ساتھ دماغی بخار طبی طور پر ایک خاص قسم کی مہلک بیماریوں کا ایک ایسا گروپ ہے جس کا سبب ہانتا وائرس ہوتا ہے ۔ ایچ ایف آر ایس (HFRS) میں کورین دماغی بخار ، وبائی بخار ، طاعون اور مہاماری جیسی بیماریاں شامل ہیں۔ HFRS کا سبب بننے والے وائرس میں ہانتا ، ڈوبراوا ، ساریما ، سیئل اور پومالا شامل ہیں۔

ہانتا وائرس کہاں پایا جاتا ہے؟

ہانتا پوری دنیا میں پایا جاتا ہے۔ مشرقی ایشیاء چین ، روس اور کوریا میں بڑے پیمانے پر سائنس دانوں نے ہانتا کے پھیلنے کا خدشہ ظاہر کیا ہے ۔ اگر چہ یہ وائرس 2012 میں بھی پایا گیا تھا مگر اسے فورا ہی قابو میں کر لیا گیا تھا اور مہاماری کی شکل اختیار کرنے سے پہلے ہی سائنسدانوں نے اس کا سدباب کر لیا تھا ۔ مگر ابھی حالیہ دنوں میں کرونا کے بعد چین میں چند اموات کا سبب ہانتا وائرس کو مانا گیا ہے ۔ چونکہ پوری دنیا ابھی کرونا سے جنگ لڑنے میں مصروف ہے اس لئے اگر ہانتا ایسے وقت میں دبے پاؤں داخل ہوتا ہے تو اس کی تباہی کو سنبھالنا تقریباََ ناممکن ہو سکتا ہے

کرونا اور ہانتا کے علاوہ بھی کچھ خطرناک وائرس ہیں جن میں پومالا وائرس مغربی یورپ اور مغربی روس میں پایا جاتا ہے۔ ڈوبرا وائرس بنیادی طور پر بلقان میں پایا جاتا ہے ، اور سیئول وائرس دنیا بھر میں پایا جاتا ہے۔ ساریما وسطی یورپ میں پایا جاتا ہے۔